馬體會上盤「斯」人醒

馬體會上盤「斯」人醒
 
歐聯A組今晚大戰馬德里體育會將會喺主場迎戰祖雲達斯。馬體會近期已經重回勝軌，教頭施蒙尼亦可重返教練席親自督師，所以主場迎戰「山寨王」祖雲達斯，讓球盤讓平、半合理，上盤值捧。（周三5，有線18台周四2:45am直播）

作為上屆西甲冠軍同歐聯亞軍，馬體會季初無疑係有迪亞高哥斯達、菲臘路爾斯等主力被撬走，但前者上季尾根本長期受傷，馬體會卻依然可以攞到一定成績，加上今季引入到基沙文、文迪蘇傑等有潛質或有歐聯經驗球員，整體實力同上季比較最多差少少；再講，馬體會主帥施蒙尼喺西甲長坐波監，但歐聯就可以親自督師，配合埋球隊剛贏艾美利亞同大炒西維爾狀態回勇，主場讓平半合理。

客軍祖雲達斯喺意甲連同歐聯6戰全勝，但咪忘記佢哋上年喺聯賽同樣呼風喚雨，最後咪又係分組賽出局，今屆佢哋仲要冇咗教頭干地，改由一向俾球迷笑冇料到嘅艾歷尼領軍，就算泰維斯、派路以及保羅普巴等主力全數可以落場，作客依然捧唔過。

馬模開下盤機會「高」

同組另有馬模對奧林比亞高斯。後者上輪主場贏馬體會，但有記億都知佢哋主強客弱，上季就試過主場贏曼聯兩粒，最後作客倒輸出局，喺瑞超已放離晒，可專注一陣歐聯嘅馬模受讓半一值博。（周三6，香港時間周四2:45am開賽）