兵工廠遇“雷”暴

兵工廠遇“雷”暴

阿仙奴在歐冠盃分組賽首戰失利，兩球不敵多蒙特，明晨主場迎戰加拉塔沙雷，要殺入十六強今戰不容再失；不過球隊近兩仗主場表現未盡人意，先被修咸頓反敗為勝，跟住倫敦打吡亦祇能迫和熱刺，球員明顯不在最佳狀態，今仗對住加拉塔沙雷，兵工廠實在毫無必勝把握。

加拉塔沙雷不單止係土超老牌勁旅，亦係歐冠常客，證明本身具一定實力。去年嘅酋長盃，加拉塔沙雷同樣喺呢個球場喧賓奪主，二比一打爆“廠”，所以又點會輸硬。初盤阿仙奴硬讓一球，捧加拉塔沙雷可保不敗而回。

阿仙奴上場打熱刺又損兵折將，艾朗藍斯、阿迪達及韋舒亞先後受傷，前兩位仁兄今戰肯定缺陣，加上基奧特、華確特，迪保治及辛洛高等，兵工廠今晩難以強陣出擊。

加拉塔沙雷有半支土耳其國家隊成員，仲有史奈達、迪斯馬利、彭迪夫、烏拉圭國門梅斯利亞等國腳級球員坐鎭，整體戰力唔差得去邊，有力與阿仙奴一決高下。

推介：和波1:1