兩巴對撼求和解

兩巴對撼求和解

歐冠盃明晨又再開火，惡戰連場，其中兩巴大戰較矚目，巴黎聖日門火併巴塞羅那，上季八強惡鬥，兩回合皆以和局收場，巴塞只憑作客入球晉級，今季在分組賽再度相遇，激戰在所難免。

聖日門目前在法甲雖仍保不敗，但和波多過乜，八戰和五場，在歐冠首戰亦被阿積士迫和，講強勢似乎不及今仗對手巴塞；不過，球隊實力係無可置疑，今仗更有休戰兩場後應可復出嘅伊巴謙莫域，可以加大爭勝本錢。卡雲尼、盧卡斯、華拉迪及馬昆奴斯等明顯開始上力，只要教練白蘭斯作出針對性部署，加強中後場截擊力，絕對有力與巴塞抗衡。

西甲再加一場歐冠，巴塞取得六勝一和，前線連珠炮發，已攻入十八球，防線更加滴水不漏，至今保持零失球。唯一可惜並非長勝將軍，早前作客就畀馬拉加悶和，巴塞仲做出一個新紀錄，就係零中目標。始終踢作客有區別，冇咁易得心應手，今戰遇上聖日門，初盤巴塞羅那要讓半球，捧聖日門主場推“那”。

推介：和波1:1