拜仁留力難讓多

拜仁留力難讓多

拜仁在德甲一枝獨秀，領先次席多蒙特十五分，重奪聯賽錦標指日可待，今晚作客禾夫斯堡，齋睇對賽往績，拜仁真係贏成條街，近八戰七勝一和，禾夫斯堡的確惡唔得出樣。但考慮到拜仁下周中歐冠要作客阿仙奴，對球隊極為重要，今仗玩留力絕不出奇，作客仲要讓多過一球，實在諗唔過。

排中游的禾夫斯堡並未受到太大的降班威脅，冇壓力可放開嚟踢，球隊班底唔差，對住強隊亦時有佳作，祇要認真作戰，不至於大敗收場，初盤拜仁讓硬球半，隨時贏波輸盤。

禾夫斯堡今季曾殺敗多蒙特與利華古遜兩支排二、三位球隊，實力的確絕對不能輕視，陣中的迪亞高、比列錫、奧歷、卡倫貝治及老將波拉克等並非浪得虛名，祇要在主場踢出加一波，可與拜仁拉成均勢。

無論踢主場或作客，拜仁依然勁到飛起，十場作客九勝一和，攻入廿五球祇失一球，作客確係影響不大，祇不過歐冠大戰前留力經常有前科，球員拼搏程度相當明顯，最主要聯賽大把本錢，贏波都係一球上落。

推介：和波1：1