緬恩斯誓搶“芬”

緬恩斯誓搶“芬”

德甲已經踢咗五輪比賽，前列位置爭持得相當緊湊，由榜首拜仁至排第七位嘅球隊都只係相差三分，“一哥”之位隨時有變。正如今晚場獨腳戲，緬恩斯單挑賀芬咸，邊隊贏波就可以過下“一哥”癮。

兩班波可以話係沙煲兄弟，因為大家都咁高咁大，五戰兩勝三和未輸過，同得九分兼入幾多，失幾多都係平起平坐。明晨兩隊埋牙肯定打甩髀，初盤開出平手，有主場之利既緬恩斯唔使讓波值得捧場。

話晒緬恩斯曾經贏過爭標分子多蒙特，上場又與暫列第三位嘅漢諾威打成平手，證明有一定實力。

至於賀芬咸五場對手都係中下游球隊，真正考驗其實唔多。

講到人腳，緬恩斯嘅攻擊鐵三角較值得信賴，岡崎慎司五場入四球，狀態“弗”到“嘭嘭聲”，德國U21國腳荷夫曼表現出色，加埋體能與技術並重嘅艾拿古爾，數糊能力一定強過今仗對手。

賀芬咸近五次對住緬恩斯未贏過，更有兩場失利，心理上比較輸蝕。況且踢作客，始終發揮冇主隊咁好。

推介 : 緬恩斯 2:0