西甲:馬體會啞火捱細界
玩球网 2021-04-22 10:15:06
| 馬體會啞火捱細界哨牙蘇菲歷斯缺陣今晚西甲頭場亦有好戲碼，1哥馬德里體育會主場硬撼侯爾斯卡。馬體會雖然上仗罕有地大勝，但只係對手太弱，不足為據，鋒線冇咗蘇亞雷斯壓陣點都差啲；侯爾斯卡仍要為護級搶分，今仗一定擺鐵桶陣抗敵，捧中位數2.5球嘅入球細最上算。（Now632周五凌晨1時直播）馬體會上仗意外地大炒伊巴5比0，首先對手只係包尾大幡，今季聯賽已失41粒，而且短時間連失兩球後立即崩潰，因此馬體會攻力復整嘅講法不能作準。其次係冇咗蘇亞雷斯同祖奧菲歷斯，單計聯賽佢哋共轟26球，佔咗全隊入波接近一半，講真佢哋受傷前，馬體會已開始跌Watt，依家冇埋呢對拍檔，主帥施蒙尼惟有將防中馬高斯洛蘭迪推前一格打前鋒，雖然佢都交到貨，上仗更加省入兩粒，但只係權宜之計，依家馬體會嘅攻擊力始終靠唔住。侯爾斯卡守得穩作客嘅侯爾斯卡仍位處聯賽下游，未計今輪，佢哋同降班區尾3嘅艾拉維斯同分，形勢水深火熱，搶分欲望不下於爭標嘅馬體會。睇番侯爾斯卡近4仗聯賽取得2勝1和1負，其中3仗開2球或以下，狀態唔曳。何況馬體會最為人詬病嘅，正係破鐵桶陣能力，佢哋近10場聯賽只入13球，有8仗開2球或以下，若扣除上仗大勝嗰5粒，之前9仗聯賽僅入8粒，以一支豪門球會嚟講攻力堅曳，中位數2.5球嘅入球細乃不二之選。 |