意甲:AC主勝穩陣 戰神復出薩敵
玩球网 2021-04-21 15:09:27
| AC主勝穩陣戰神復出薩敵今晚意甲頭場AC米蘭主場對薩斯索羅。AC今場有伊巴謙莫域復出，火力大增，呢位「戰神」上季鬥薩斯索羅梅開二度，今場猛虎出柙肯定想添食，加上AC近5次聯賽鬥薩斯索羅獲4勝1和，主Ｗ好路。（myTVGold301、Now638、有線654、614、662及602台周四凌晨零時30分直播）伊巴謙莫域今季為AC喺聯賽上陣17場入15球，戰績為11勝3和3負，有呢位射手助陣，球隊進攻確係侵略性及戰術調配都強咗。更重要嘅係，伊巴前仗鬥帕爾馬做「紅牌阿姑」，被指涉嫌對球證作出侮辱性言論，但查實只係球證聽錯，被「屈」停賽谷住條氣，今場復出肯定嚟個大爆發。伊巴喺2019年12月加盟AC，舊年7月作客對薩斯索羅一仗，佢上半場已經省兩粒，助球隊以2比1獲勝，薩斯索羅後防擺明對佢冇晒計。事實上AC米蘭多年嚟都食住薩軍，近19次交手贏12次，淨係計最近5次，都獲4勝1和壓倒性成績。薩斯索羅遇強即屈薩斯索羅依家排第8，成績算係唔錯，但佢哋今季5次對住國米、AC、阿特蘭大及祖雲達斯等Big4球隊全部輸晒，加上依家冇乜贏波動力，而且近4場作客輸3場，今場作客都係凶多吉少。 |