日聯:鯨魚鍊三箭半和好路
玩球网 2021-04-14 10:07:51
| 鯨魚鍊三箭半和好路攻力唔掂鬥穩陣周三日職賽事，名古屋鯨魚主場迎戰廣島三箭。排第2嘅名古屋鯨魚防線穩健，近8場不失球，廣島三箭近4場有3場冇波入，兩軍對撼預料會演變成拉鋸戰。考慮到鯨魚近3場聯賽主場上半場和波，一於再追半場和。（有線661及601台周三晚6時30分直播）鯨魚開季首6場聯賽全勝，但近3場僅1勝2和，其中2場和波都係悶和0比0，雖然攻唔入，但佢哋後防已經連續8仗保持不失。鯨魚兩位進攻主力馬迪奧斯杜斯山度士、稻垣祥已經連續3場未能取得入球，腳風明顯不及季初順，金崎夢生仍然養傷，影響攻力，因此鯨魚今場要攻破三箭大門並非易事。不過鯨魚從來唔急進，今季3場聯賽主場上半場都打和0比0，預料又會再次留前鬥後。對賽勁旺半和其實三箭賽績都好硬淨，今季9場聯賽僅1敗，就係上仗0比1負於中游球隊湘南比馬，經此敗仗預計三箭會踢得更加小心，不過佢哋近期情況同鯨魚相似，就係攻力下降，聯賽及盃賽近4場有3場0入球，加上今場作客，更加唔會冒險搶攻，入波難度更高。對賽方面，鯨魚近3次聯賽主場對三箭，上半場都係和波收場，今場半場和都幾穩陣。 |