歐U21:法國U21超班破冰唔難
玩球网 2021-03-31 08:03:13
| 法國U21超班破冰唔難2021/03/31U21歐國盃C組，奪標熱門之一嘅法國仲未穩奪出線權，不過佢哋最後一輪只要擊敗2戰全敗嘅冰島就肯定晉級，以佢哋今屆雄厚班底應該問題不大。（周四凌晨零時開賽）丹麥俄羅斯對攻「大」戰坐擁哈化柏林中場古安杜斯、雷恩中場卡馬雲加，以及及些路迪射手奧辛尼艾度亞迪嘅法國，首輪意外輸畀丹麥0比1，不過上場變陣出擊之下，成功以2比0擊敗俄羅斯打開勝利之門，由於佢哋依家得失球差為+1，就算另一邊廂丹麥輸畀俄羅斯，出現丹麥、法國及俄羅斯同得6分，法國對賽得失球差亦肯定好過丹麥，所以法國今場只要贏波就唔使理會其他賽果，肯定攞到頭2名嘅出線資格，主動權喺手一定搏盡。至於排榜首嘅丹麥雖然領先俄羅斯3分，不過如果今場輸波隨時會被對手踢出局，預計雙方都唔會有保留，有望合演入球騷。（周四凌晨零時開賽） |