英超:愛華頓富咸細均力敵
玩球网 2021-02-14 11:08:02
| 愛華頓富咸細均力敵要力爭歐聯入場券嘅愛華頓，今晚英超尾場主場鬥富咸。「拖肥糖」英足盃第5圈加時淘汰熱刺，當然為球隊打下強心針，但球隊搏得太盡體力未免有啲輸蝕，加上前鋒卡維特利雲受傷倦勤，面對作客例死守嘅富咸可勝不穩，寧捧2.5球入球細。（Now621周一凌晨3時直播）愛華頓上周中英足盃同熱刺激戰，法定時間4比4，加時先贏5比4進身8強，球隊士氣當然好，但踢足120分鐘一定對體力有所影響，只係抖咗3日再踢，而且周中英超快車仲要鬥榜首曼城，球員自己落場都會留番幾分力。卡維特利雲有傷避戰「拖肥糖」前鋒卡維特利雲上場踢到下半場10分鐘傷出，直接行入更衣室，領隊安察洛堤表示，呢名英格蘭射手傷勢比預期中輕微，不過今場會將佢收起，等佢抖多幾日先復出，預計李察利臣將會擺到最前。富咸場上表現一路都唔差，球員勤於走動包位，可惜只限於防守，球隊進攻能力疲弱，所以好難取得勝利，近12場聯賽只入過6球，僅獲8和4負，當中10場開2球或以下，相信今場作客愛華頓，富咸踢法亦唔會有太大變化，只係盡力減少失波，戰情應該膠着，玩2.5球入球細好過。 |