英總盃:般尼有鬥心上盤咪錯過
玩球网 2021-02-09 10:53:30
| 般尼有鬥心上盤咪錯過今晚英格蘭足總盃16強賽事，仲有般尼主場迎戰老對手般尼茅夫。般尼角逐足總盃一向用後備，但嚟到16強相信會認真應付；般尼茅夫剛炒教練，內部正在重整當中，相信難有作為，加上般尼對賽往績長期食住對手，小讓平半，上盤值得捧場。（周三凌晨1時30分開賽）般尼同般尼茅夫近幾季都喺英超角逐，上季般尼茅夫降班，執教「般茅」長達8季嘅艾迪侯域離隊，由助手泰度爾接任，荷蘭後衞尼敦阿基以破球會紀錄嘅4,100萬鎊轉會曼城，令球隊保留元氣長期發展。般尼茅夫留力爭升班不過「般茅」近日出現變動，泰度爾因戰績下滑被辭退，暫時改由活基治出任看守領隊。球員方面，冬窗期間簽入韋舒亞，至於祖舒亞京治則轉投愛華頓，由修咸頓借入嘅沙恩朗因為曾在足總盃上陣，今仗未能候命。般尼茅夫現時排英冠第6，落後前兩名球隊只有10分及9分，佢哋首要目標明顯係爭升班，對於足總盃，球隊上下嘅心態都只係「搏得就搏」。留得喺英超嘅般尼今季又要護級，不過早前連勝利物浦及阿士東維拉後，暫時與降班區保持8分距離，尚算安全，依家可以畀心機踢好足總盃，一對後備前鋒積洛迪古斯及馬迪維達，喺足總盃合共攻入3球，預期係今仗取勝關鍵。睇番兩隊近年對賽，般尼4次交手錄得全勝，當中般尼兩次主場分別贏4比0及3比0，捧般尼上盤相當穩陣。 |