英超:狐狸勇銳夠贏列斯聯
玩球网 2021-01-31 11:15:18
| 狐狸勇銳夠贏列斯聯爭標奇兵李斯特城今晚會喺主場迎戰列斯聯。「狐狸」近期狀態巔峰，近6場賽事錄得5勝1和，球隊無論喺質素及兵源上，均已達到頂級勁旅水平，能夠躋身爭冠行列並非靠運。作客嘅列斯聯踢法單調，主攻踢法喺客場賽事更加漏洞百出，造訪李城相信凶多吉少，主W可投信心一票。（Now621周日晚10時直播）列斯聯作客表現差一截李斯特城近年成績優異，很大程度歸功於射手占美華迪等幾位球星精彩演出，不過球隊喺羅渣士執教下不斷強化，在連串成功收購後，已打造出強大兵力，占美華迪早前做疝氣手術要休養，但其他中前場球員表現不俗，上場鬥愛華頓便藉泰利文斯一記遠射建功扳平1比1，協助「狐狸」喺各項賽事保持9場不敗走勢，加上進攻中場占士麥迪臣、艾約斯佩雷斯、哈維班尼斯等均可分擔入波重任，令球隊表現及成績更見穩定。列斯聯一直奉行主攻性踢法，不過表現卻「華而不實」，特別在作客比賽經常中門大開，近6場作客輸4場，而且4次輸波都失3球或以上，就連英足盃作客低組別嘅卡維尼亦要吞3蛋，足證列斯聯作客演出差強人意，面對爭冠奇兵李城料難逃一敗。 |