英超:曼城穩中求勝細盤劈錫
玩球网 2021-01-30 10:51:14
| 曼城穩中求勝細盤劈錫英超1哥曼城今晚主場出擊鬥榜尾錫菲聯，表面睇落強弱懸殊，但錫菲聯啱啱作客砌底曼聯，前車可鑑下曼城唔會大意，佢哋近排加強防守，即使主場亦唔係一味強攻，反而鍾意「零封」穩中求勝，近8場主場有7場總入球開3球或以下，今場玩3.5球入球細仲明智。（Now621周六晚11時直播）錫菲聯回勇未必大敗錫菲聯上場爆冷2比1贏曼聯並非冇迹可尋，佢哋近期表現稱職同搏命，好多時輸波只係欠運，近排踢順番連盃賽近5場贏4場，呢支上季英超贏盤王只要發揮正常，想贏佢哋並唔容易。曼城各項賽事連贏11場順風順水，但近期喺英超、英聯盃同英足盃3線作戰，頻密賽程難免有疲態，早前英足盃對英乙球隊車頓咸，就係先失波下尾段發力驚險反勝。「藍月亮」領隊哥迪奧拿深明收放之道，唔強求場場大炒對手，事實上曼城近8場主場比賽之中，對富咸、紐卡素及阿士東維拉都只係贏2比0，對護級分子白禮頓更係上半場領先1比0到完場。翻查往績，曼城近6次鬥錫菲聯戰情都幾緊湊，全部總入球開3球或以下，預料「藍月亮」今場最緊要袋3分鞏固榜首優勢，3.5球入球細穩陣。 |