意甲:AC碌卡捧讓客
玩球网 2021-01-18 15:54:58
| AC碌卡捧讓客今晚意甲獨腳戲，卡利亞里主場迎戰ＡＣ米蘭，雙方實力相距懸殊，卡利亞里近5場比賽全敗，已經淪為護級分子，實在唔可以同爭標勁旅ＡＣ米蘭相提並論；以ＡＣ米蘭近5場作客取得4勝1和走勢，加上近3次對賽都贏卡利亞里兩球或以上，直取讓球客勝。（myTVGold301、Now638、有線614及654台周二凌晨3時45分直播）卡利亞里愈踢愈沉，各項賽事近10場未贏過，近5仗更加全敗，就算近4場主場都輸咗3仗，包括不敵新升班球隊賓尼雲圖，可見卡利亞里球員士氣及狀態都跌至低點，面對任何對手都難望搶到分數。對賽食住卡利亞里至於ＡＣ米蘭雖然早前曾不敵爭標勁敵祖雲達斯，但之後已迅速反彈重回勝軌，上輪意甲即贈拖連奴兩蛋。最關鍵係首席射手伊巴謙莫域傷愈復出之後，令ＡＣ陣容更加完整，呢位瑞典神鋒上場意大利盃正選上陣，證明已恢復足夠狀態，今仗可以全力出擊，再配合頻頻建功嘅鋒線新星拉菲爾利亞奧，「紅黑兵團」攻力有保證。睇埋往績，ＡＣ米蘭一向食住卡利亞里，雙方近6次對賽，ＡＣ取得5勝1和，其中近3次交鋒ＡＣ更加贏兩球或以上，兼且力保不失。今季意甲爭逐激烈，「紅黑兵團」1分都不能少，今場對住弱隊卡利亞里，正係搶分良機，相信會盡數對手力求振奮士氣，讓球客勝咪錯過。 |