德甲:拜仁大盤咪走堡
玩球网 2021-01-17 11:36:14
| 拜仁大盤咪走堡今晚德甲頭場由拜仁慕尼黑主場迎戰近況奇佳嘅弗賴堡，拜仁繼上周末聯賽輸畀慕遜加柏，上場德盃仲被乙組仔基爾踢出局，今返主場勢打翻身仗，不過佢哋今季後防甩漏多，而且今季多次喺先落後情況下反敗為勝，總計7場聯賽主場有5次開4球或以上，今場捧中位數3.5球入球大最穩陣。（周日晚10時30分開賽）拜仁上場作客慕遜加柏雖然一度領先2比0、避免連續9場聯賽先失波，不過防線表現鬆散，結果被主隊連入3球，反勝為敗。拜仁今季15場聯賽只有2場冇失波，加埋失24球，失球數字同護級分子比勒費爾德、雲達不來梅一樣，上場德國盃對住乙組仔基爾，即使派門將紐亞、甘美治及湯馬士梅拿等主力落場，補時階段慘遭對手頂入逼和2比2，其後更射輸12碼被淘汰出局，完全暴露攻強守弱兼後防唔集中嘅毛病。弗賴堡當旺有力對攻弗賴堡上場主場5比0大勝科隆，連歇冬前聯賽已連贏5場，共轟16球，為近期狀態最佳嘅德甲球隊之一，雖然弗賴堡近8次聯賽對拜仁2和6負未贏過，不過最近4次都能取得入球，以目前球隊勇態，加上拜仁後防表現大不如前，作客安聯球場有本錢對攻。拜仁今季7場聯賽主場有5次開4球或以上，今場捧3.5球大好路。 |