富咸受讓多值博
富咸近況麻麻,四戰三和一負,上仗輸畀曼城屬正路。睇返聯賽首循環作客曼聯表現唔差,與曼聯鬥攻,最終輸二比三無話可說。只要踢返當日水準,富咸未必輸得晒。初盤曼聯讓球半,不妨考慮富咸贏盤。 曼聯攻力無需多講,不過後防不穩依然係隱憂,聯賽失三十球,以一支班霸而言實難以接受。對熱刺一役防線出現唔少漏洞,若非門將迪基亞表現出色,可能已經全失三分。今晚對住攻力唔差的富咸,隨時被對手突襲成功。富咸前線火力有番咁上下,廿三場聯賽攻入三十三球,貝巴杜夫、柏特歷、拜仁雷斯及洛達歷加都係具級數球員,絕對有機會攻破曼聯的不穩防線。 推介:曼聯勝2:1 |