西甲:侯爾斯卡細頂巴塞隆拿
玩球网 2021-01-03 11:23:35
| 侯爾斯卡細頂巴塞隆拿防守確耍家！巴塞隆拿2021年第1擊，周一凌晨西甲作客侯爾斯卡！巴塞雖有阿根廷前鋒美斯復出，不過今季面對屯重兵防守嘅對手往往束手無策，呢點亦係巴塞作客成績低迷嘅主要原因，主隊侯爾斯卡雖然位處降班區，但防守效率之高令唔少強隊吃盡苦頭，巴塞今仗要撕破密集防線有極大難度，2.5球入球細值得捧場。（Now632周一凌晨4時直播）美斯復出狀態不足巴塞擁有美斯、基沙文同奧士文尼迪比利等攻擊好手，不過喺朗奴高文執教下，採取較為實務嘅踢法，強大火力已不復見，尤其面對專注防守嘅對手，經常出現贏形勢入唔到波嘅不利情況，近期作客喺卡迪斯、艾拉維斯同基達菲3支中下游球隊身上失分，以及上周中聯賽主場同伊巴踢成1比1，正係最佳例子，尤其美斯近期受到足踝傷患困擾，今場復出可唔可以交出百分百狀態，實屬一大疑問。侯爾斯卡上場作客1比2不敵切爾達，依家位處聯賽榜降班區，不過佢哋喺主場出擊並不示弱，防守更有頗高水平發揮，今季7場聯賽主場只失7球，主場失球數字比巴塞隆拿更少，因此近7場聯賽主場有6場總入球開兩球或以下，之前面對西維爾亦僅於完場前失波輸0比1，迎戰馬德里體育會更成功守和0比0，可見侯爾斯卡主場防守非常硬淨，今場捧入球細穩陣。 |