英超:李城打真軍拆紐搶Ｗ
玩球网 2021-01-03 11:23:06
| 李城打真軍拆紐搶Ｗ今晚另一場重頭戲，紐卡素主場鬥李斯特城；「喜鵲」紐卡素上場聯賽雖然成功逼和榜首球隊利物浦，但整體表現依然攻不銳、守不穩；「狐狸」李城上場收起射手占美華迪搞到喺水晶宮身上痛失兩分，今場定必精銳盡出博反彈，加上李城近4次聯賽作客聖占士公園錄得全勝佳績，客Ｗ值得支持。（Now621周日晚10時15分直播）紐卡素上場0比0打和利物浦，成為今季聯賽首支對住「紅軍」力保不失嘅球隊，不過如非門將卡爾達路表現「上晒身」，紐卡素一早已失守。其實總計各項賽事，紐卡素已經連續5場未贏過，除咗以2比5大敗畀列斯聯，主場對住同級對手富咸亦只係打和1比1，加上英聯盃輸畀英冠球隊賓福特，「喜鵲」整體表現唔算理想。中場艾錫希頓因累積黃牌夠數今仗坐波監，前鋒辛特麥斯明及後衞拿修斯疑染疫肯定缺陣，新兵賴恩費沙又有傷在身，今場殘陣應戰更加唔樂觀。華迪回歸正選搏殺李斯特城領隊羅渣士上仗作客水晶宮玩輪換，正選陣容收起射手占美華迪及泰利文斯等主力，結果喺先失波情況下派佢哋落場，成功追番1比1，但已係「狐狸」近4場聯賽第3次失分。為免被前列對手甩開，相信羅渣士今仗會強陣出擊，唔敢再玩嘢全力搶分。睇埋對賽往績，李城對上4次聯賽作客紐卡素不但全勝，而且加埋入咗11球，當中有3場保持0失球，往績佔盡上風，今場有力反客為主，客勝抵玩。 |