西甲:畢爾包皇蘇打吡大激鬥
玩球网 2020-12-31 13:24:42
| 畢爾包皇蘇打吡大激鬥今晚除夕夜有西甲陪球迷送舊迎新，頭場有「巴斯克打吡」畢爾包主場硬撼皇家蘇斯達。雖然大家排名相差成條街，不過3哥皇蘇近9場未贏過波，加上打吡戰唔輸得實打甩髀，近年聯賽碰頭又例演入球騷，一於捧2.5球嘅大盤。（Now632周四晚9時直播）齋睇排名，皇蘇依家排第3位，領先中游分子畢爾包8分，不過皇蘇於各項賽事近9仗僅得6和3負未贏過，近3仗聯賽仲輸晒添，難與季初托弗表現相提並論，但對手畢爾包近8仗只係贏得兩場，講狀態亦唔好得幾多。由於打吡戰夾雜太多場外因素、雙方恩怨情仇等，呢種由情緒主導嘅比賽，雙方球員落到場都分外搏命，學前輩「桂神」話齋，有關兩軍嘅實力、排名及近況可統統唔理，因為打吡係「戰意行先、勇者勝」。近5碰頭4開3球或以上既然大家近況堅頹，有乜嘢比贏打吡更能激勵士氣、提升信心呢？因此戰意唔使懷疑。畢爾包雖然戰績麻麻，但一向係主場龍，近5場聯賽主場贏4仗，不容小覷。另一邊廂早前受傷嘅皇蘇進攻中場大衞施華同奧耶沙巴爾（圖）已康復，後者對親同市死敵特別醒神，佢出戰近5次聯賽嘅打吡戰共入4粒，呢5次碰頭有4次開3球或以上，今仗隨時踢到飛沙劈石，勝負難料，捧2.5球嘅大盤最上算。 |