澳職:中岸水手受讓筍 噴射機易帥陣腳大亂
玩球网 2020-12-31 13:24:15
| 中岸水手受讓筍噴射機易帥陣腳大亂澳職大除夕上演中岸水手主場迎戰紐卡素噴射機，兩隊上季成績麻麻未能躋身季後賽，主隊中岸水手更加連續3季成為澳職「木匙羹獎」得主，即係連續3季排聯賽包尾。不過，中岸水手今季決意重振雄風，引入唔少具質素嘅球員，相反紐卡素噴射機季前出現易帥風波，搞到依家軍心散渙，中岸水手受讓必捧讓球主勝。（myTVSUPER周四下午4時05分直播）中岸水手近幾季都係澳職弱旅，不過今季洗心革面，管理層決定積極增兵，力圖重新振作，包括由韓職招攬哥斯達黎加國家隊前鋒烏連拿加盟，另一新兵為澳洲國家隊中場保沙歷，亦屬於技術型領軍人物，中岸水手為球隊「中軸線」作出有力嘅補強，預料戰鬥力可以大大提升。噴射機欠鬥心讓波擇使紐卡素噴射機上季排第8位，成績唔算理想，更大鑊係教練卡爾羅賓遜季前突然離隊，轉去執教西悉尼流浪者，令噴射機組軍措手不及。陣腳大亂嘅噴射機依家群龍無首，管理層只係委任甸恩斯出任臨時教練，仍未物色到理想嘅新主帥，而且星級中場烏加高域亦表示有意離隊，可見軍心出現問題。翻查兩隊交鋒往績，中岸水手就算近年成績幾差都好，對住紐卡素噴射機都有得鬥，近4次對噴射機，水手獲1勝2和1負成績，今仗主場出擊可立不敗之地，仲有得受讓咁着數，當然要捧讓球主勝。 |