英超:般尼搶分心切大鬥狼隊
玩球网 2020-12-21 10:04:14
| 般尼搶分心切大鬥狼隊2020/12/21文:法達斯維今晚英超頭場般尼主場迎戰狼隊。般尼雖然喺下游掙扎，但近6仗有5場搶到分，演出有起色；狼隊近期入得又失得，前鋒柏度尼圖重拾射門鞋，作客照搶攻，2.5球嘅入球大值博。（Now621周二凌晨1時30分直播）柏度尼圖腳風甚順開咧頭兩個月聯賽未贏過嘅般尼，近期漸入佳境，近6仗聯賽取得2勝3和1負，包括贏過阿仙奴同打和愛華頓，唯一輸波係不敵剋星曼城，睇得出眾將信心回升。佢哋季初失分太多，為搶分護級趁主場之利必定盡做。狼隊向來打穩守突擊，前線靠魯爾占美尼斯數胡，不過呢位墨西哥箭頭上月尾對阿仙奴撞爆頭要長抖，令人擔心攻力下降。好彩柏度尼圖及時挺身而出，近5仗聯賽入3粒，包括上仗反勝「車仔」嘅絕殺士哥，至今累積4個聯賽入波，比上季仲多一粒，證明愈踢愈好。同時主帥紐奴近期採取較為壓前嘅打法，進攻板斧係多咗，但防守亦冇咁穩陣，近4仗聯賽取得2勝2負，其中3仗開3球或以上，今晚造訪急於搶分嘅般尼，隨時合演入球騷，2.5球大盤絕對博得過。 |