西甲:皇馬半場速殺伊巴 重新撻着特別搶韁
玩球网 2020-12-20 10:39:33
| 皇馬半場速殺伊巴重新撻着特別搶韁西甲豪門皇家馬德里周一凌晨登場，今輪聯賽作客對戰伊巴。「銀河艦隊」皇馬谷底反彈，喺西甲及歐聯合共取得4連勝，球員信心返晒嚟，加上今場對手只係弱旅伊巴，更加無力阻礙皇馬全取3分。考慮雙方近6次聯賽交鋒，皇馬贏5次，而且5場勝仗都係上半場已經領先，今場可直取1.89倍半場客勝。（Now632周一凌晨4時直播）皇馬早前曾陷入低潮，令到教頭施丹帥位出現動搖，幾乎冇得撈，不過球員備受壓力下，表現及時反彈，「銀河艦隊」近4場比賽先喺西甲作客以1比0擊敗勁旅西維爾，其後喺歐聯分組賽2比0贏慕遜加柏，取得16強席位，緊接又喺西甲打吡戰擊敗當時排榜首嘅馬德里體育會，上仗更以3比1輕取作客嘅畢爾包，「地獄賽程」錄得全勝，重現霸氣。近兩對賽半場慘吞6蛋信心得到提升嘅皇馬贏波不特止，而且近3場比賽都係上半場已經領先，表現搶韁，贏得極具說服力。事實上自從老將沙治奧拉莫斯傷愈復出，成功堵塞防線漏洞問題，令皇馬可以更放心推前搶攻，中場線有莫迪歷支援，加上被施丹委以重任嘅前鋒賓施馬近3場比賽有兩仗梅開二度，腳風超順，相信今場好大機會可以喺上半場攻破伊巴大門。伊巴今季7場聯賽主場未贏過，而且僅入1球，可謂毫無還擊之力，何況伊巴上季西甲兩循環對皇馬，全敗之餘更合共失7球，兩場對戰都喺上半場已經落後0比3，可見雙方實力差距極之懸殊。既然皇馬近期走勢凌厲，而且急需搶分爭逐榜首，今場肯定唔會留力，有望喺上半場就擊潰對手，半場客勝咪錯過。 |