英超:阿仙奴咬唔入般尼
玩球网 2020-12-13 11:14:21
| 阿仙奴咬唔入般尼「下游大戰」半場鬥磨英超周一凌晨上演「下游大戰」，已跌落聯賽第15位嘅阿仙奴將於主場迎戰降班區球隊般尼。阿仙奴近期成績差勁，最大原因係進攻能力嚴重不足，今場面對弱旅般尼應係重響勝鼓大好機會，不過般尼近期防守表現並不失禮，作客屯重兵死守下，阿仙奴未必能喺短時間內撕破般尼防線，開半場和機會高。（Now621周一凌晨3時15分直播）阿仙奴近4場聯賽1和3負，而且對上7場聯賽只有2個入球，當中更有1球為12碼，可見「兵工廠」進攻出現極大問題。阿仙奴近期以兩邊傳中作為主要進攻策略，上場聯賽對熱刺有超過6成控球率，瘋狂44次傳中只有9次成功，擁有多位高大中堅嘅般尼最擅長應付傳中球，阿仙奴若沿用此進攻方式，將是正中下懷。比比停賽火力再受損然而阿仙奴可以變陣方式有限，最具侵略性翼鋒尼高拉斯比比停賽，王牌前鋒奧巴美揚亦狀態低迷，阿仙奴面對主守球隊往往束手無策，今季2場主場勝仗對韋斯咸及錫菲聯，上半場都係打和，要到下半場才能取得致勝入球。作客嘅般尼實力不及阿仙奴，今場將會屯重兵死守，尤其佢哋知道阿仙奴不擅長應付密集防線，更會加強般尼主守決心。般尼近3場聯賽對阿仙奴，都能夠喺上半場打成平手，可見防守策略有成功前科，今場必定照辦煮碗，博半場和好路。 |