英超:狼隊維拉跌Watt捱細界
玩球网 2020-12-12 09:56:47
| 狼隊維拉跌Watt捱細界2020/12/12文:渡邊年狼隊會喺英超早場主場迎戰阿士東維拉，狼隊向來踢穩守突擊搶分，不過王牌前鋒魯爾占美尼斯缺陣影響反擊威力，維拉經過季初小陽春後亦陷入低潮，近5場輸足4場，今場會踢得保守，希望減少失波，預料戰情膠着，2.5球入球細好路。（Now621周六晚8時30分直播）喺領隊紐奴帶領下，狼隊於2018/19年球季升上英超，一直保持穩守突擊嘅踢法，不論喺聯賽抑或上季出擊歐洲賽，主場成績不俗，失波數字偏少，零封對手贏波更係家常便飯。翻查數據，以2.5球為中位數計算，佢哋連續兩季英超於主場作賽都係7大12細，表現非常穩定。狼隊魯爾占美尼斯缺陣狼隊近4仗主場賽事亦全開2球或以下，原本喺紐奴嘅作戰體系，魯爾占美尼斯負責反擊工作，但呢名上季神射手頭部重創休息，上場佢缺陣之下，對住利物浦就因為前面冇咗焦點，未能做好反擊，作客慘吞「紅軍」4蛋，吸取過教訓，相信今場狼隊將會以防守行先。阿士東維拉季初表現令人驚喜，但踢法上始終係基亞利殊「一人球隊」，列強已經摸透維拉戰術部署，佢哋最近5場聯賽輸4場，陷入低潮，今場為免再度全失3分，相信作客會踢得更謹慎，以1分為目標，預料今場入球數字唔會多，玩入球細最明智。 |