歐霸盃:熱刺半場大起安特衛普
玩球网 2020-12-10 09:10:36
| 熱刺半場大起安特衛普卡尼老孫輪流發功歐霸盃周五凌晨上演最後一輪分組賽，3支英超代表阿仙奴、熱刺及李斯特城都已取得出線資格，不過除阿仙奴肯定以首名晉級，其餘兩隊仲要為小組首名努力。J組熱刺煞科戰將於主場迎戰比利時球隊安特衛普，熱刺目前以2分落後安特衛普，想爭首名今場非勝不可，熱刺近7場主場豪取6勝1和，單計上半場已轟入15球，5次半場開2球或以上，踢法搶韁，今場主Ｗ太熱冇肉食，轉捧1.5球半場大仲好路。（myTVGold303、Now643、有線656及616台周五凌晨4時直播）熱刺上場歐霸作客寧斯打和3比3失分，被同日贏波嘅安特衛普甩開2分，熱刺如想爭首名出線，今場主場出擊一定要贏波。兩大射手哈利卡尼、孫興民近期弗到漏，上場北倫敦打吡靠佢二人包辦入波兼助攻，主場以2比0擊退阿仙奴，繼續喺英超榜首領導群雄，士氣一流。從過去幾場歐霸分組賽排陣所見，主帥摩連奴通常只搵卡尼、老孫其中1人打正選，然後夥拍卡路士雲尼斯奧斯、加里夫巴利或貝雲積攻堅，可以畀主力休息之餘，亦可保持一定入球能力，證明佢哋有心爭盃。慣性搶韁上半場旺入波熱刺喺各項賽事主場已經累積7連勝，包括今屆3場歐霸大炒海法馬卡比、寧斯及盧多格德斯，而且佢哋經常喺比賽初段入波，上述7場主場比賽入面，單喺上半場熱刺已攻入15球，全部都能領先上半場，搶攻踢法唔係咁易抵擋。安特衛普首循環曾經喺主場贏過熱刺1比0，戰鬥力唔可以睇小，不過佢哋上周末喺聯賽爭標關鍵戰，作客2比4不敵榜首球隊亨克，恐對球員信心有影響。安特衛普對上9場作客從未試過半場領先，其中有5次上半場有失波，比賽初段集中力明顯不及熱刺，博半場大隨時可以提早收錢。 |