歐冠盃:西維爾鍊車半和好路
玩球网 2020-12-02 09:24:00
| 西維爾鍊車半和好路出咗線歎慢板歐聯E組大局已定，西維爾及車路士攜手出線，卡斯洛達同雷恩篤定出局。名義上前兩者要爭首名，後兩者就想以小組第3轉戰歐霸。今輪西維爾主場鬥車路士、雷恩作客卡斯洛達。先講西維爾嗰場，兩軍大可睇定嚟踢，而且西維爾旺半和，不妨追多注。（Now644、有線661及601台周四凌晨4時直播）西維爾對上一次踢歐聯分組賽已經係2017/18年球季，今屆以上屆歐霸盟主身份直入分組賽，亦成功晉級。今晚鬥車仔名義上要爭首名，但事實上入到16強已經冇弱旅，首名或次名出線影響唔大。車路士情況一樣，由於今季英超爭持激烈，預計主帥林柏特會作出輪換，基奧特、夏維斯、魯迪格及阿列沙巴拿加等會正選上陣，整體實力冇大影響，但侵略性就稍遜。西維爾屬歐洲賽常客，近3次歐聯鬥英超兵都係半場和，加上佢哋近4場主場有3次開半和，好路值追。卡斯洛達雷恩鬥攻爭第3同晚較早時候開波嘅卡斯洛達對雷恩，雙方近況都麻麻，卡斯洛達近7仗只得1勝6負，雷恩近5場就1和4負，不過卡斯洛達踢歐聯比較開放，連附加賽在內，今屆6場有5次開3球或以上。今場邊隊贏波就肯定攞到歐霸32強席位，冇保留鬥攻旺入球大。 |