歐冠盃:國米內憂外患難擋慕遜加柏
玩球网 2020-12-01 09:33:39
| 國米內憂外患難擋慕遜加柏歐聯B組第5輪關鍵戰，暫排榜首嘅慕遜加柏主場迎戰榜尾國際米蘭。國米今屆表現令人失望，4場不勝出線機會渺茫，甚至想以第3名轉戰歐霸盃亦危危乎，干地帥位不穩，軍心大受動搖，面對力爭提早出線嘅慕遜加柏凶多吉少，主勝放心捧場。（Now646、有線662及602台周三凌晨4時直播）分組賽開戰前，皇馬同國米被視為出線兩大熱門，但慕遜加柏卻以出色表現暫列榜首，包括最近2輪先後以6比0同4比0「雙炒」薩克達，上場德甲鬥史浩克04又大勝4比1，氣勢如虹。慕遜今場只要全取3分，即可提前1輪鎖定16強資格，戰意夠旺盛值得睇好。「藍黑兵團」歐洲賽作客曳作客嘅國米上輪主場吞皇馬2蛋，智利中場維達爾兩黃一紅被逐，今場要停賽。國米依家正值內憂外患，主帥干地被傳帥位不穩，丹麥中場基斯甸艾歷臣亦盛傳會喺1月離隊，軍心難免動盪。「藍黑兵團」以2分排包尾，落後第3嘅薩克達2分，能否出戰歐霸盃亦成疑問，加上佢哋歐洲賽作客甚差，對上7場歐聯作客僅1勝1和5負，今場難望搶分。 |