英超:愛華頓列斯聯鬥大
玩球网 2020-11-28 11:18:27
| 愛華頓列斯聯鬥大英超星期日凌晨大戰，愛華頓主場迎戰列斯聯，兩隊開季表現都廣受好評，上輪亦不約而同用好表現擺脫小低潮，今場交鋒當然希望延續上升勢頭。愛華頓同列斯聯都屬於主攻型球隊，用入波嚟填補防線不足，今仗「以攻鬥攻」勢必出現大手交易，博中位數2.5球嘅入球大好路。（Now621周日凌晨1時30分直播）「拖肥」前線傷疲盡起愛華頓早前經歷聯賽3連敗，好大程度係受到李察利臣停賽以及占士洛迪古斯倦勤影響，單靠前鋒卡維特利雲單天難保至尊。不過愛華頓依家進攻線傷疲盡起，上輪作客3比2力克富咸，再次顯示出球隊以攻為守嘅威力，卡維特利雲梅開二度後，今季英超已入10球，同李察利臣及占士洛迪古斯組成強大鋒線。雖然左閘盧卡斯迪治尼受傷要抖2個月，但「拖肥」近8場聯賽共入18球，當中7場總入球達3球或以上，入球依然極有保證，足夠彌補後防所失。列斯聯今季踢法大開大合，經常出現大手交易，上輪主場雖然被阿仙奴悶和0比0，但其實列斯聯有超過20次埋門，若非門框3次阻擋入球，列斯聯絕對唔會交白卷。呢支今季新升班球隊近4場聯賽作客有3場總入球達3球或以上，包括開鑼戰3比4不敵利物浦嘅激戰，佢哋又曾以1比4不敵水晶宮，演出飄忽，唯一肯定係呢種極進取踢法，會製造極多入球，今場捧中位數2.5球嘅大盤為明智之選。 |