英超:曼城留力鬥般尼小勝格
玩球网 2020-11-28 11:18:13
| 曼城留力鬥般尼小勝格周六晚另一場大戰，曼城主場鬥般尼。論實力及牌面，曼城無疑遠勝般尼，不過「藍月亮」近6場聯賽從未試過單場攻入2球或以上，周中歐聯亦僅勝奧林比亞高斯1比0，擺明留有一手；般尼上場擊敗水晶宮打開今季聯賽勝利之門，士氣回升，全力死守未必會大敗，中位數2.5球細盤有分頭博得過。（Now621周六晚11時直播）曼城上場聯賽0比2不敵熱刺，開季8場聯賽3勝3和2負，暫以12分排第13位，「藍月亮」早前有阿古路受傷，加比爾捷西斯、費倫托利斯雖能分擔入球責任，但水準始終欠穩定，所以「藍月亮」開季至今8場聯賽僅入10球，同過往主攻風格有出入，即使阿古路喺上場歐聯已復出，但狀態明顯未足，曼城亦只憑菲爾科頓入波小勝對手1比0，進攻火力見唔到太大保證。般尼防守有一定板斧般尼上場聯賽1比0擊敗水晶宮，踢至第8輪終於取得今季聯賽首場勝仗，同時排名升上第17位，暫時脫離降班區，對士氣有鼓舞作用。般尼近5場聯賽有3場保持清白身，對住榜首熱刺都只係僅輸0比1，防守有一定板斧，況且曼城周中歐聯作客出戰，舟車勞頓體力難免較輸蝕，般尼專注防守未必會大敗。曼城近6場聯賽全開2球或以下，2.5球細超過2倍回報相當值博。 |